Thailax (已結業)

台式飲品大行其道，登打士街上好多人手上都揸住杯珍珠奶茶。係個個都飲緊珍珠奶茶嘅時候，竟然俾我發現一間主打泰式飲品嘅小店，除咗有傳統既泰式奶茶，仲有其他特色嘅嘢飲。我就嗌咗一杯泰式桔仔冰茶，承惠$28。等左5分鐘就有得飲，呢款飲品入面有成4大粒桔仔，味道超級酸，如果唔鍾意飲酸野嘅人應該會頂唔住！我自己就還好，不過都唔覺得特別好飲，下次未必會再試。