Hungry Korean (已結業)

同朋友收工食消夜見hungry korean未收，而且入面都有幾枱客人都幾熱鬧就揀左食呢間韓國野，之前成日係街見到呢間野但都係第一次食。三個人分別叫左三樣食物，黎到份量偏小，不過味道都ok，食消夜唔會食太飽都還好，但如果lunch同dinner就應該要嗌好多份先夠飽啦哈哈。魷魚石鍋飯$44同平時食的石頭鍋飯差唔多味道，望落去魷魚份量都幾多，每一啖都伴到餸黎食，蛋混合飯焦食落去脆卜卜，我都幾鐘意食飯焦所以覺得呢個飯都唔錯。韓國壽司$34普普通通冇咩特別，加上燒汁有點點甜味。中間包住的料都好多，咬落去口感豐富。韓國餃子$32個人認為餃子係三樣之中最好味，微熱的餃子皮包住肉汁豐富的餡料，餃子係炸過所以食落咁香脆可口，皮脆肉嫩。真係忍唔住越食越多。