博多拉麵別天神 (已結業)

好耐冇食拉麵，特登黎試下呢間標榜湯底無添加味精既黃拉麵店。首先湯底無添加味精的確幾吸引，只係味道稍微唔夠濃郁，不過都算好飲！拉麵同半熟蛋質素都係正常發揮，反而叉燒有啲遜色，叉燒口感唔夠淋，不過呢啲就好睇個人口味。另外一點就係叉燒肥瘦不均，比較多肥肉，可能咁岩我先係咁既，不過如果叉燒邊位有咁多肥肉，其實可以事先處理一下。餃子味道平淡左啲，不過岩岩出爐食落脆口都叫做正常發揮！成餐反而最欣賞個小龍蝦蟹子沙律，食落先知小龍蝦肉份量都落得幾足，小龍蝦肉食落都幾有咬口。不過最後一提某女侍應服務就欠佳，咁我本來另外叫左雪碧同忌廉，某侍應拎左罐忌廉黎叫同我講：「zero  可樂 忌廉」，咁我其實係叫雪碧咪同佢講多次要雪碧，呢位侍應仲要態度麻麻同我講話冇雪碧! 得zero  可樂 忌廉，咁我order 番可樂，點知黎左個zero，咁我冇為意，以為佢係講汽水得zero可樂同忌廉。點知轉頭另一位侍應又比到原味可樂比隔離枱喎。其他男侍應就比較禮貌，我地食完野將碗碟遞番比佢地都一直同我地講唔該晒，呢位女侍應應該要向其他同事學習下。