四點金飯店

營業中

休息中

兩個人去食飯，講真可以叫幾多個菜呀? 今次是為了慶祝而來的，朋友介紹這間主要是食潮州菜，我哋坐低之後，見到隔離枱叫嘅菜，每碟分量都不算太多，所以就膽粗粗，叫了兩個菜一麵一湯一甜品，就試試他們正宗的潮州菜，味道是如何。糖醋麵，外脆內軟，加糖加醋，雖然邪惡，但值得一試。咸菜涼瓜排骨，得3嚿涼瓜，全部咸菜，唉！唔好意思都要同伙計講聲，啲涼瓜少得可憐，最後伙計都好識做，俾過一兜涼瓜我地。白菜膽杏汁豬肺湯，一個字，奶。返沙芋係後期加，都好快上，超爆好食，手工菜唔係度度有。鳳梨梅羔一字骨，酸甜開胃，都唔錯。總括嚟講，可以一試。