慈妹大排檔 (已結業)

約朋友去左黃大仙附近踏單車，咁岩經過呢間大排檔餐廳，又想chill下飲下酒，就試下。間餐廳幾光亮同幾乾淨，坐落都好舒服，講下食物先,叫左3個餸，味道都唔錯（可能踏完單車後太肚餓）麻辣水煮牛肉；一上枱，顏色睇落好辣咁，但其實唔太辣，反而跟飯一流，牛肉都鮮嫩同配料都多，呢個好推介野山椒炒肉片；呢個好有驚喜，原來野山椒同肉片咁夾，炒出黎好有鑊氣，好香，野山椒少辣但好開胃，肉片又唔會太老，同朋友都覺得好食椒鹽白飯魚；因為要送酒先叫呢個，比較乾身，可能炸得耐左少少，但都脆口