亞蘇爾 (形點) (已結業)

今日行開YOHO MALL，見到少有既葡國菜，同埋晚市時間都唔洗排隊，所以入去一試。入座後叫左個二人餐，首先黎左個湯同澳葡小食拼盤，入面有馬介休、炸墨魚球同芝士豬仔包，啲食物出黎熱辣辣，味道正正常常。之後嚟到重點菜就係葡式香烤脆皮乳豬件配薯菜，個皮好脆，食到好濃郁嘅豬味，又唔太膩，點埋佢地個特製醬汁，味道都幾好食。之後就黎咗份十月初五蝦子松露意大利麵，味道除左有忌廉既香，仲有蝦子嘅鮮味，仲有松露嘅味，很特別。不過埋單都唔平，二人要四百幾蚊，埋單連加一就五百幾。