民華魚蛋粉麵

營業中

休息中

廣福里有3間較旺嘅點心+麵店，3間嘅門口都有點心/盅飯外賣，而且經常客似雲來，今日終於試埋最後一間。Order嘅亦係雲吞麵，可以比較吓吖麻。但侍應話呢度嘅牛腩係清湯腩，所以冇得加腩汁。佢仲話呢度嘅湯已係魚湯，所以已經夠味。咁冇辦法啦…雖然呢個唔係peak hour，但店員都好似好忙咁。每次有客嗌店員都會話要等等。等咗陣，麵到喇。湯底相對帶白，而且油份較多，但味道確係鮮甜，係未落辣油之前要飲多幾啖。麵質亦彈牙，唔知係咪因為湯底有油份嘅關係，夾麵時覺得麵好滑。至於雲吞就一半蝦一半肉，但每粒size唔係好平均，5粒裡面有2粒零舍細。但整體嚟講，食落就覺得少咗一種惹味同想食唔停嘅感覺。於是就決定嗌多碟燒賣去增加食嘅滿足感。店員亦係話要等等…確實等咗陣，um…雖然燒賣都係大大粒，但唔算好好食。有一粒食落似一嚿較實嘅雞肉咁，有啲失望。呢度其實唔係唔好食，可能係自己期望太高，所以有啲失望啫。