阿詩瑪壹菌 (已結業)

一年一度家庭聚會，又要搵個好地方可以俾幾個親戚家庭去食飯，以往都係酒樓一圍枱食個套餐，不過今年就試下去食其他菜式，最後搵左去太古城食雲南菜餐廳名叫”阿詩瑪壹菌”，我對雲南菜無乜認識，從餐廳名估計應該有好多菌類的菜式，睇到餐牌有好多菜式都係辣，但係長輩好多都唔食得辣，餐廳無大枱，分左兩張枱，於是就要左兩個六人餐首先來個拼盤，拼盤有腐板卷，茄子，海蜇，豬扒，同埋玻璃藕片，藕片幾特別，整得好薄，又脆又甜，作為前菜真係唔錯接著就係野菌粉絲龍躉頭腩煲，砂鍋上可以仍然保持夠熱，同埋用左菌，粉絲一齊煮，所以食龍躉肉時已經好有菇味，而肉質仍然好滑另一值得推介菜式，蝦爆鮮牛肝菌，牛肝菌同蝦仁一齊爆炒，炒完的牛肝菌好夠鑊氣，好香口，仲食得出牛肝菌的鮮味原先係氣鍋雞湯，可惜侍應姐姐話已經賣晒，轉左個淮山野菌雞腳湯，個湯有好多材料，所以煲完個湯真係好鮮甜，飲落都有少少藥材味，應該好啱一家大細飲，同埋飲完都覺得對身體好，哈哈！還有雲南過橋米線，自家制豆腐，食埋碗米線就啱啱好甜品係玫瑰冰粉，好香玫瑰味，冰粉食落似啫哩，又似係透明的涼粉，整碗冰粉少少甜味，加上又夠凍，對於食左好多濃味的菜式，有個清甜的冰粉，可以用來