Mr & Ms Burger (已結業)

尼間餐廳外面睇落幾有特色，好有外國burger店既feel，雖然可以坐outside，天氣凍凍地就坐裡面比較好，知道裡面位置唔多又唔想同人迫，所以6點幾就去左食啦。店內位置唔多，可以容納10個人左右，唔建議一大班人食。食物種類唔算太多，我同朋友分別叫左貝羅黑松露芝士漢堡同龍脷柳流心蛋漢堡，另加$28有炸薯條同汽水。有啤酒提供，但沒有跟餐優惠。貝羅黑松露芝士漢堡雖然沒有肉，但貝羅菇分量不小又口感清爽，貝羅菇吸收黑松露既味道，兩者混合一起，多汁又香氣十足。龍脷柳流心蛋漢堡既龍脷柳即炸夠新鮮，食落爽脆，怕太dry既時候，有流心蛋既配合，又夾又好味。Burger睇落唔算大份，但食落又夠飽，同友人食晒個burger 未食薯條已經飽飽地啦。薯條分量好多，即炸熱辣辣，好好食。