馬六

營業中

休息中

炮台山返工日子到處搵食，其實都經過間鋪好多次，今次就入去試下咩質素，大約十二點入到間鋪，可能未到最繁忙時段，得小貓三四隻。坐底已經見到張餐牌放左台面，點個海南雞飯餐試一試，個餐有一碟雞，一碗油飯，三種醬，一碗湯同飲品，先講下碟雞，唔肥唔瘦好適中，雞胸加其他部位，三種醬有薑蓉，甜豉油，辣醬，我自己鐘意三種醬都點，碗油飯就唔係咁好，飯比較硬身，有油香但不多可以接受，碗湯就唔需要講，味精湯一碗，反而叫杯熱檸水除咗茶記檸檬外，有一粒青色應該係柑桔，幾特別。整體都唔錯，環境唔差，睇落覺得乾淨，不過價錢就比較貴要成$68，間中一次半次都可以。