Hunky Dory

營業中

休息中

餐廳對出就係綠油油嘅花園，入夜後俾人感覺更加悠閒寧靜，就算係半戶外嘅環境都未見到有蚊蟲，係值得加分嘅地方。威靈頓牛柳即叫即焗，餐廳好細心地喺上盤之前預先切好咗一半。酥皮焗得酥脆，牛肉肉質唔粗糙。餐廳有提供醬汁，但入味嘅牛柳配搭酥皮本身已經好好食。焗香草脆香石斑魚柳條石班魚柳好大條，會配埋薯蓉，一定夠飽。香草mix埋少少芥末味嘅醬汁同香脆嘅魚柳非常夾。自家製蘋果批一陣玉桂香撲鼻而來，餅底有煙韌口感，蘋果片覆蓋喺整個批上面，配埋雲呢拿雪糕，層次豐富。Mango Yakult Soda打卡一流嘅飲品，有紫黃橙三層漸變色，酸酸甜甜嘅芒果益力多梳打好fresh，最適合夏天飲。