飲茶‧私房菜 (南豐大廈) (已結業)

同舊同事食lunch，揀了中上環飲茶。舖頭亦叫飲茶，二人揀了套餐。套餐有阿毛燉湯，雞絲粉皮，松露炆伊麵，紅粉蝦餃，皮蛋豆腐，及沙嗲粉絲安格斯牛肉煲。阿毛燉湯菇味濃郁，湯頭亦清甜，水準中上。雞絲粉皮平平無奇，份量亦好少，麻麻哋。皮蛋豆腐亦不見突出，豆腐片得好薄，手工算好好，但味道好一般。蝦餃好大粒，蝦餃皮染了粉紅色，味道同普通酒樓分別不大。松露炆伊麵亦普普通通，加了松露醬味道有點過龍，雖然伊麵炆得好入味。最後沙嗲粉絲安格斯牛肉煲亦唔見得有突出之處，味道很一般。埋單連加一及茶錢400多元，性價比唔見好突出。