佳記甜品 (已搬遷) 新店位置

因為元朗實在太遠，所以已經好耐無食過b仔。唔知水準有無繼續保持住呢。🤓去到即見到有一樣野無論時間過左幾耐都仲保持住既，就係長長既排除人龍。我地一行二人都好耐無食過b仔，所以唔係好記得攞票程序係點。😂於是見門口有位員工負責嗌位，就行去問佢攞票，可惜佢唔理我地，我地就以為佢未得閑住。點知等左一陣，佢都係唔理我地，最後係其他食客同我地講要去收銀位置先有得攞票。😢😢因為之前食過佢既b仔涼粉，發覺佢有部分水果係罐頭水果，所以今次就無嗌黎食。🍎🍉🥝依家來食b仔主要都係食雞翼尖，今次就嗌左雞翼尖同魚蛋。🐟🥚1️⃣最值得讚賞既係佢既魚蛋係出面已經買少見少既陳皮魚蛋 (原因當然係陳皮魚蛋來貨貴)👍👍👍仲要$10有成8粒2️⃣雞翼尖味道依然，好香蒜味，加埋辣椒有少少辣，好食到一隻接一隻，停不了🌶️而且只需要$18就有咁多隻，真係十分抵食。