建興亞婆豆腐花

營業中

休息中

話時話都感覺好耐好耐乜過來南丫島呢邊喇，記得以前得閒果陣就會過來行下，依家唔係做嘢忙就係懶得來呢邊，呢次又再來南丫島竟然係因為公事，真係人算不如天算吖。亞婆豆腐花仲係以前咁個樣，上面撐著一張帆布，下面幾張臺，再放D膠凳係度，廣告牌比以前仲爛咗，哈哈、同樣一碗滿滿嘅豆腐花，上面淋咗D薑糖水，一擺落臺就聞到一陣好濃嘅豆腥味，豆腐花豆漿特有嘅味吖，豆腐花好似水蒸蛋咁滑一滑嘅，薑糖水都係唔夠甜，我鐘意食好甜嘅嘢，特別是糖水甜品之類嘅，所以呢度嘅薑糖水肯定唔夠甜喇，不過正常來講已經夠曬甜喇、其實呢度嘅豆腐花味道都唔係話幾咁巴閉喇，不過就係慣咗經過呢度留入來食一碗喇。