影片
更多
2008-08-25
29 瀏覽
好耐冇落過成記.今日突然間好想食牛腸河,12點幾即刻衝落街去成記,好彩趕得切仲未閂門.同老公兩個人叫咗一碗牛腸河,一碗牛腩麵,加兩碟菜同一碟炸魚皮.可能係街坊,碗腩麵佢私人醒咗坑腩,夾咗一舊食,嘩~正!!入口已經有油香,咬落去簡直滿口油香,冇渣又唔痴牙..我平時都食開牛腸河,不過總係覺得D腸好薄,肥膏太多,好漏.又好勒.但今日D腸好好多,厚返少少有咬口,肥膏較少,反而覺得幾爽口.一碟菜心一碟介蘭都淥得好淋,連平日唔會食晒成碟菜嘅老公今日都清碟.炸魚皮唔使講啦,鬆化爽口,又唔厚,咬落絕對唔會好似其他平價粉麵檔果d咁"銀"牙.炸魚皮我只會食呢間.兩碗單料粉麵加兩碟菜,一碟炸魚皮同一支豆漿,埋單$58.5.-以咁嘅價錢食到兩個人捧住個肚走,係老字號.仲要冇味精,簡直抵到爆啦!!!冇帶電腦落街,影唔到相,所以冇相post
同老公兩個人叫咗一碗牛腸河,一碗牛腩麵,加兩碟菜同一碟炸魚皮.
可能係街坊,碗腩麵佢私人醒咗坑腩,夾咗一舊食,嘩~正!!入口已經有油香,咬落去簡直滿口油香,冇渣又唔痴牙..
我平時都食開牛腸河,不過總係覺得D腸好薄,肥膏太多,好漏.又好勒.
但今日D腸好好多,厚返少少有咬口,肥膏較少,反而覺得幾爽口.
一碟菜心一碟介蘭都淥得好淋,連平日唔會食晒成碟菜嘅老公今日都清碟.炸魚皮唔使講啦,鬆化爽口,又唔厚,咬落絕對唔會好似其他平價粉麵檔果d咁"銀"牙.炸魚皮我只會食呢間.
兩碗單料粉麵加兩碟菜,一碟炸魚皮同一支豆漿,埋單$58.5.-
以咁嘅價錢食到兩個人捧住個肚走,係老字號.仲要冇味精,簡直抵到爆啦!!!
冇帶電腦落街,影唔到相,所以冇相post
張貼