影片
更多
2008-12-16
16 瀏覽
十月三日, 收工去做完 facial, 有少少肚餓, 上堂前決定嚟呢間《何洪記》試吓!之前一直都知呢間嘢勁出名, 又係老字號, 但喺銅記返工咁耐都冇機會試,襯今晚有少少時間就盡管自己一個走入去試試, 我已經好耐冇試過自己一個行入間餐廳到食嘢啦!Lucky, 啱啱仲有幾個位, 唔駛等位又有卡位坐, 因為呢度地方真係幾細, 如果係大肥佬真係可能行唔到入嚟同坐底食嘢...諗都唔駛諗, 就試佢既招牌雲吞麵 ($27), 等咗一段仔時間, 嚟到發現原來勁細碗, 嘩! 咁真係幾貴喎!!呢個份量男士一定唔夠飽啦!! 食三碗就差唔多!味道確係同普通十蚊多啲既雲吞麵好唔同, 比較正宗, 啲麵係幾彈牙, 啲雲吞都幾香, 裡面既蝦肉幾爽口, 湯底算清甜,但老實, 真係唔算特別好好食囉! 咁既價錢, 我諗都冇乜興趣再幫襯喇...不過呢度啲亞姐既服務就出奇地唔錯, 仲以為呢啲又出名又老字號既亞姐會好串既添!順帶一提, 呢次食嘢有個有趣經歷, 坐我對面有對韓國情侶嚟食嘢, 見佢哋係拎住本旅遊書特登搵到嚟呢間食嘢,不過好明顯佢哋果邊真係冇雲吞麵呢樣嘢食, 因為碗麵嚟到後, 佢哋研究咗啲醬油醋好耐, 都唔知係乜, 亦
之前一直都知呢間嘢勁出名, 又係老字號, 但喺銅記返工咁耐都冇機會試,
襯今晚有少少時間就盡管自己一個走入去試試,
我已經好耐冇試過自己一個行入間餐廳到食嘢啦!
Lucky, 啱啱仲有幾個位, 唔駛等位又有卡位坐, 因為呢度地方真係幾細,
如果係大肥佬真係可能行唔到入嚟同坐底食嘢...
諗都唔駛諗, 就試佢既招牌雲吞麵 ($27),
等咗一段仔時間, 嚟到發現原來勁細碗, 嘩! 咁真係幾貴喎!!
呢個份量男士一定唔夠飽啦!! 食三碗就差唔多!
味道確係同普通十蚊多啲既雲吞麵好唔同, 比較正宗,
啲麵係幾彈牙, 啲雲吞都幾香, 裡面既蝦肉幾爽口, 湯底算清甜,
但老實, 真係唔算特別好好食囉! 咁既價錢, 我諗都冇乜興趣再幫襯喇...
不過呢度啲亞姐既服務就出奇地唔錯, 仲以為呢啲又出名又老字號既亞姐會好串既添!
順帶一提, 呢次食嘢有個有趣經歷, 坐我對面有對韓國情侶嚟食嘢,
見佢哋係拎住本旅遊書特登搵到嚟呢間食嘢,
不過好明顯佢哋果邊真係冇雲吞麵呢樣嘢食,
因為碗麵嚟到後, 佢哋研究咗啲醬油醋好耐, 都唔知係乜, 亦唔知要加啲乜落去食,
最後我忍唔住用少少英文加身體語言教佢哋點食,
當男果個跟我既方法食麵時點少少醋食落口個反應好搞笑,
我諗佢第一個表情係覺得好得意, 應該未試過咁樣食麵,
第二個表情佢似乎接受咗, 都覺得咁樣食麵幾好味呀~
同埋喺我心目中既韓國人好大男人, 不過睇嚟新一代既韓國人就已經改善咗好多啦~
見呢對情侶個感覺都好好, 男方仲好照顧女方添~~
更詳細資料及圖片請看 : http://hk.myblog.yahoo.com/joycewai616/article?mid=11242
張貼
