影片
更多
2018-07-20
1509 瀏覽
開宗明義要講結論，見餐牌煞有介事講明唔落味精 ... 但結果呢？食完口渴咗成個下晝，點解嘅？今日同老婆行開九如坊，見到佢寫住「試業」，諗住係新開鋪頭，望落去裝修幾鮮明簡約，俾人感覺好祥和，又標明係慢煮乜乜乜，就入去試吓。後來，從同事口中得知原來呢間鋪頭已經試業咗一段好長嘅時間，都仍然未踏入正式營業嘅階段！吓！？分別叫咗一個排骨蒸飯套餐及一個咖喱濃湯牛腩套餐。因為佢寫明慢煮嘅關係，所以我好有耐性咁等。說時遲那時快，排骨蒸飯套餐轉眼已經馬上上枱。可惜個咖喱濃湯牛腩套餐等咗差不多20分鐘！其實，我唔介意嘅，因為講明慢煮，我真係諗住慢慢等。但我諗諗吓，慢煮佢咪又係煮定，唔通真係即刻開爐煮俾你食咩！好啦，要逐樣品評一下。排骨蒸飯套餐包括茶、炒銀牙、例湯同甜品。杯茶來講帶點普洱嘅味道，上面有一粒花，感覺少許雅緻。例湯聲稱係什菜湯，中式嘅，成碗湯主要都係湯水，雜菜只係緊餘得幾粒，飲落去似係雞湯底，但係欠鮮甜美只有死鹹。炒銀牙用咗蝦毛乾嚟炒，味道非常香濃，可惜有d過鹹！至於排骨飯，排骨都算肥瘦適中肉質滑嫩，調味適中，煮過嘅豉油幾香，用嚟撈飯幾香，加上飯底煮得好好，粒粒分明，咬口剛剛好，佢宣傳係話由中國
今日同老婆行開九如坊，見到佢寫住「試業」，諗住係新開鋪頭，望落去裝修幾鮮明簡約，俾人感覺好祥和，又標明係慢煮乜乜乜，就入去試吓。後來，從同事口中得知原來呢間鋪頭已經試業咗一段好長嘅時間，都仍然未踏入正式營業嘅階段！吓！？
82 瀏覽
0 讚好
0 留言
分別叫咗一個排骨蒸飯套餐及一個咖喱濃湯牛腩套餐。因為佢寫明慢煮嘅關係，所以我好有耐性咁等。說時遲那時快，排骨蒸飯套餐轉眼已經馬上上枱。可惜個咖喱濃湯牛腩套餐等咗差不多20分鐘！其實，我唔介意嘅，因為講明慢煮，我真係諗住慢慢等。但我諗諗吓，慢煮佢咪又係煮定，唔通真係即刻開爐煮俾你食咩！
80 瀏覽
0 讚好
0 留言
好啦，要逐樣品評一下。排骨蒸飯套餐包括茶、炒銀牙、例湯同甜品。杯茶來講帶點普洱嘅味道，上面有一粒花，感覺少許雅緻。例湯聲稱係什菜湯，中式嘅，成碗湯主要都係湯水，雜菜只係緊餘得幾粒，飲落去似係雞湯底，但係欠鮮甜美只有死鹹。炒銀牙用咗蝦毛乾嚟炒，味道非常香濃，可惜有d過鹹！至於排骨飯，排骨都算肥瘦適中肉質滑嫩，調味適中，煮過嘅豉油幾香，用嚟撈飯幾香，加上飯底煮得好好，粒粒分明，咬口剛剛好，佢宣傳係話由中國米混合泰國米煮成，竟然成個餐最滿意係豉油撈白飯！唉～問你怕未！ ？
62 瀏覽
0 讚好
0 留言
到個咖喱濃湯牛腩，咖喱味唔算太澧，絕對唔係咖喱汁，而係咖喱湯，底有啲洋蔥碎之類嘅料頭。係湯唔係汁用嚟撈飯嘅時候實在有啲怪怪！味道除咗咖喱味唔太濃之外，只剩低辣味同鹹味。有一點值得一題，睇吓條牛腩，上枱嘅賣相真係好似 ... (唔講啦，自己拎走塊菜葉同薯仔，想像一下啦)，搞到我當堂冇晒心機！好！仲有牛腩，肉質同排骨嘅評語一樣，都係非常嫩腍，尚算彌補番咖喱湯嘅不足！
63 瀏覽
0 讚好
0 留言
最後就係杯士多啤梨啫喱，完全係水漾系，好稀，好淡口，有幾粒果肉咁啦，對於我呢個啫喱控來講，簡直係完全唔合格！唔知係咪呢個原因，甜品無法沖走口腔裏面過鹹嘅味道，呢份鹹味令到我成個下晝都非常非常口渴！飲咗好多水，直至傍晚先回復正常！
最後嘅最後，順帶一提，呢間野竟然係午餐餐牌上面會賣金山勾翅，喺呢加推動環保氣候咁盛行嘅氛圍下，竟然仲賣魚翅，令人感覺好失望！
個人來講，下次唔會幫襯囉，拜拜你條尾！
張貼
