影片
更多
2020-03-19
1317 瀏覽
諗唔到食咩都會黎百份百食，貪佢出餐快，價錢又不貴，食物其實幾好味，難得有水準的連鎖店。覺得百份百啲咖啡奶茶都好一般，穩陣啲飲熱檸茶，正正常常的檸茶味，紅茶底都幾香。是日叫左咖哩牛坑腩飯，都幾大盤喎，個飯話係健康藜麥飯，er……啲藜麥多到呢，數埋有無十粒？咖哩牛腩幾好味，炆得軟腍入味，咖哩有少量香料香，微辣，都幾合口味。第二次食左豉汁涼瓜排骨飯，即叫即炒都要等一陣，涼瓜爽口，個豉汁鹹鹹辣辣幾好送飯。仲食左紅白鴛鴦焗飯，一半係白汁雞扒，另一半就茄汁豬扒，飯炒底夠香口，大量芝士去焗幾正喎，兩款汁同兩樣扒都正常味，無驚喜亦唔難食，一次過有兩款口味都幾好，同埋呢個焗飯超大盤，一般人都食唔晒，見唔少枱人都食淨。之前做緊憑單減五蚊優惠換購買卷蛋，咁抵又換一條返公司食先。好大條喎，塞爆盒，蛋糕軟綿濕潤，鬆軟有蛋香，而且好多cream，近期鮮有的好味卷蛋呢。食物都幾好，選擇也多，間中都會黎幫襯下。
覺得百份百啲咖啡奶茶都好一般，穩陣啲飲熱檸茶，正正常常的檸茶味，紅茶底都幾香。
是日叫左咖哩牛坑腩飯，都幾大盤喎，個飯話係健康藜麥飯，er……啲藜麥多到呢，數埋有無十粒？
咖哩牛腩幾好味，炆得軟腍入味，咖哩有少量香料香，微辣，都幾合口味。
第二次食左豉汁涼瓜排骨飯，即叫即炒都要等一陣，涼瓜爽口，個豉汁鹹鹹辣辣幾好送飯。
仲食左紅白鴛鴦焗飯，一半係白汁雞扒，另一半就茄汁豬扒，飯炒底夠香口，大量芝士去焗幾正喎，兩款汁同兩樣扒都正常味，無驚喜亦唔難食，一次過有兩款口味都幾好，同埋呢個焗飯超大盤，一般人都食唔晒，見唔少枱人都食淨。
之前做緊憑單減五蚊優惠換購買卷蛋，咁抵又換一條返公司食先。
好大條喎，塞爆盒，蛋糕軟綿濕潤，鬆軟有蛋香，而且好多cream，近期鮮有的好味卷蛋呢。食物都幾好，選擇也多，間中都會黎幫襯下。
張貼
