豚豚食堂

營業中

休息中

星期六過去北角做嘢，打算食個快午餐。見呢間餐廳裝修都幾靚，就入去試吓。我哋入去嘅時候係三點幾，基本上唔需要排隊。朋友叫咗一個$69拉麵套餐，一個拉麵配一個小食。拉麵湯底都幾濃郁，不過朋友食得偏淡，就覺得濃得滯，朋友已經食晒先同侍應姐姐講，侍應姐姐好有耐性咁同我哋解釋正宗日本拉麵味道偏濃，下次落單可以叫淡口，服務態度都幾好。個燒雞軟骨都燒得幾脆。我叫咗個便當，有燒肉同埋燒青魚，感覺都幾豐富，可以一次過食到兩個主菜。拉麵同埋飯質素都唔錯，侍應姐姐又好人，下次會再嚟幫襯。