手作餃子專門店 (荔枝角道) (已結業)

雜錦湯餃A餐，全部湯餃都很大隻，餡料十足，多菜。湯底是准山花膠豬骨湯，奶白色的湯，花膠味就吃不出來，但就飲到使用大量薯仔、紅蘿蔔等煑出來的濃湯味，好飲。鮮肉韮菜餃，韮菜切得很粗條，但吃落絕不粗嚡。証明韮菜唔老，亦無渣。鮮肉入味。鮮肉白菜餃，亦是成條白菜，唔係切碎的，好有咬口。鮮肉芹菜餃，多芹菜，但就芹香味唔多夠。C餐加$2，可轉煎餃。感覺上此3款煎餃比A餐的湯餃size較細隻。可能是餡料不同啩。鮮肉芝士餃，看不見芝士，但吃得到芝士醬的味道在內，有些黏口的感覺，唔算太濃味。鮮肉日本紫菜餃，相當多紫菜，唔腥。配鮮肉碎一起吃多幾隻都可以。鮮肉冬蔭公餃，有粟米、椰菜在內，餡料偏黃，好似咖喱的顏色，點知吃落辣味慢慢滲透在口中，不過只是微辣，爽爽辣辣的，幾有趣。上湯香甜蘿蔔，仍用准山花膠豬骨湯浸蘿蔔，軟淋兼滲有濃湯味，甜香吃不停口。