影片
更多
2022-11-03
322 瀏覽
日本野真係all-time favourite 🤩🤩🤩，今次係要介紹嘅喺大角咀嘅活一鮮，前後食咗2次。當中比較推薦嘅係鮮壽司set($168)，加埋2件玉子總共有13件。海膽軟綿，帆立貝鮮嫩，鱆紅魚/油甘魚/三文魚腩肥美。珍寶甜蝦比想像中細，蟹羔同三文魚子太重味，麻麻。活一鮮嘅天婦羅都值得一讚，2次都有叫，都係叫日本南瓜/蕃薯。$68，總共6件，自由選擇南瓜/蕃薯嘅件數。南瓜/蕃薯本身新鮮，南瓜香甜，蕃薯甘香，又唔會好油膩，正。仲試過佢嘅上級刺身拼盤($178)，感覺麻麻，唔太新鮮🤔。都試過啲熟食，好似鰻魚飯($98)，厚燒玉子($52)，一般般，唔係特別出色。會推薦比附近返工/住嘅朋友，整體味道可以但唔特出色。以小薯自己嘅經驗嚟講，推鮮壽司set同南瓜/蕃薯天婦羅。其實以咁嘅價錢嚟講，唔好對味道有太高要求，係無得輸嘅🤓。北角同西環都有分店，附近朋友可以留意下。店內環境都唔錯，小店風格，雖然有小小逼，但睇得出裝修有心思，係加分位。
當中比較推薦嘅係鮮壽司set($168)，加埋2件玉子總共有13件。海膽軟綿，帆立貝鮮嫩，鱆紅魚/油甘魚/三文魚腩肥美。珍寶甜蝦比想像中細，蟹羔同三文魚子太重味，麻麻。
活一鮮嘅天婦羅都值得一讚，2次都有叫，都係叫日本南瓜/蕃薯。$68，總共6件，自由選擇南瓜/蕃薯嘅件數。南瓜/蕃薯本身新鮮，南瓜香甜，蕃薯甘香，又唔會好油膩，正。
仲試過佢嘅上級刺身拼盤($178)，感覺麻麻，唔太新鮮🤔。都試過啲熟食，好似鰻魚飯($98)，厚燒玉子($52)，一般般，唔係特別出色。
會推薦比附近返工/住嘅朋友，整體味道可以但唔特出色。以小薯自己嘅經驗嚟講，推鮮壽司set同南瓜/蕃薯天婦羅。其實以咁嘅價錢嚟講，唔好對味道有太高要求，係無得輸嘅🤓。北角同西環都有分店，附近朋友可以留意下。
店內環境都唔錯，小店風格，雖然有小小逼，但睇得出裝修有心思，係加分位。
張貼
