兆禧餐廳小廚 (已結業)

住係屯門碼頭的人一定會知道兆禧有間茶餐廳已經開左十幾廿年（我細細個亞媽都帶黎食）之前裝修當然比較簡單，係前幾年翻新左之後都係只食過早餐幾次，味道你吾可以講好好味（十幾年都係大約味道），但而家坐得舒服同乾淨，待應見果D人同細個一樣，有一點親切感。今日家庭聚會食飯，爸爸突然話想去（好過去海翠食連鎖餐廳酒家），所以一行4人8點去吃晚餐。但因為差不多滿座，只可以坐門口四人桌。餸都未叫已經有例湯送到，味精不叫很多，材料都有吾少（豬骨白菜湯），大約有6碗左右。之後我地4個人叫了3個餸，2杯凍飲（叫了小菜半價）加1個白飯。大約15分鐘已經上桌！西檸雞半隻＄78：半隻西檸雞？咁怪吾係件上咩？待應話半隻雞喎...點知上桌都係同出外一樣件上。粉多，雞肉少同少少硬，汁吾夠酸。芙蓉旦＄53：旦偏老，但材料菜類都多（唯一少左一點肉同得一隻蝦），味道夠吾咸。西蘭花班球＄66：3個餸最好味，材料多，西蘭花炒得吾錯，班球淋左少少。成餐飯都係大約＄215，吾好太高要求又有冷氣同坐得舒服，其實都抵。所以也是這餐廳十多年都係碼頭仲係度的原因。