韓樂 (海之戀商場)

營業中

休息中

就而言食物味道okay嘅，但服務態度真係好唔好，由落單開始一直到埋單走都係差，落單時問佢可唔可以俾多個餐牌嚟睇，佢話好遠，落完單至去攞喎，我單都落完，仲洗咩餐牌啫！叫佢攞碗仔，佢叫自己去攞，咁我自己行去攞完問佢俾多兩隻义，佢話好忙喎，最後杯嘢都未飲完，佢哋拿拿收枱，一嘢攞埋仲有半杯嘅飲品走，叫住未飲完喎，佢一嘢放番低，大姐呀，疫情呀，收枱員同上菜員要分開㗎！佢之後話沖過杯俾我哋，都走啦，咪話咁攞走吧，佢話咁要收1蚊外賣喎！我哋唔係要5星級服務，但唔好差到咁囉！正所謂己所不欲，勿施於人，你哋自己出去食嘢人哋咁態度服務你，你自問可以接受嘛！味道就算好，但態度咁差，生意唔係咁做嘅，冇下次(當然預埋如果你睇到呢個post你一定話自己係冇錯，仲會話唔care你幫唔幫襯呢個反應)。