Le Chef (已結業)

朋友介紹尼間le chef,短期內我已光顧3次，味道不錯，價格也不貴，地點亦方便。食了芝士西班牙黑毛豬沙律同牛臉肉、蒜頭橄欖油浸蝦等味道都不錯，T bone steak就非常一般，但第三次帶朋友和客人去就發生了一件非常不愉快之事，我們點了四人套餐，套餐包括有四件朱古力蛋糕，但我上次試過，不好食，我就問侍應可否轉其他甜品？佢答可以，但多了就要補回差價，到埋單時帳單多了2佰幾三佰甜品錢，我就問侍應點解會收甜品錢？轉頭個鬼佬大廚就走出嚟問乜事？我地都就同佢講，我地轉甜品，但你地收足4件甜品錢，佢就話唔可以轉，我就話侍應話可以，同埋你收足我四件甜品錢，咁我套餐個四件又唔俾我地？？？佢態度好唔友善，仲好兇咁同地講，今次當請你地食,下次一定要收錢！重覆好多次，因我有客人在，唔想再同佢理論！我地已經不停同佢講thankyou !佢都唔肯走，企係度重覆講！但真係好唔明點解唔由經理去處理投訴而係個廚師出嚟得罪客人！