泰一 (已結業)

自己住咗香港仔中心咁多年，差不多全中心的食肆已經食勻，難得最近有間新開的泰國菜館「泰一」，去捧吓場啦。最初睇到門口咁多人等，都諗緊等唔等，但又想試下d 新嘢，於是一等就等咗接近30分鐘先可以入座，好彩邊等位都可以望下部大電視，叫做冇咁悶。坐底無耐，就即刻order幾款食物： 黃咖喱士兵雞翼有d 似日式餃子雞翼，雞翼去咗骨，釀咗d 黑糯米入去。特別就唔見得好特別，不過沾上黃咖喱汁來吃，味道都算ok，算是不錯! 避風塘大頭蝦味道ok，但沒太大驚喜。上碟賣相幾吸引，望落去都幾香口惹味，但主觀始終覺得避風塘菜式，都係大排檔的演繹較好，比此間更夠鑊氣! 喇沙自問是個喇沙fans，一見此間有喇沙供應都想試吓，吃完覺得此間製作的喇沙都算ok。其中湯底唔錯，夠香口濃郁之餘，亦有喇沙葉的香味。可惜湯底份量唔夠，吃至中段，就好似有唔夠湯飲的感覺，如份量能夠改善，咁效果一定會更好。 蟹籽芝心炸蝦球見到menu張相好似幾吸引，於是叫來試試，覺得都算特別，起碼唔使食來食去都係傳統泰國餐廳炸蝦餅、炸魚餅咁悶。上碟時的顏色無menu的圖片咁吸引，但勝在蝦肉夠彈牙，咬下去亦見有蟹籽及芝心流出，味道ok。