点寿司

營業中

休息中

由於屯門壽司郎長期都要排幾個鐘先有位，市中心周邊範圍類似嘅壽司店選擇唔算特別多，之前見呢間点壽司新開又近近地就試下，知道係爭鮮旗下，所以算係高階版爭鮮，價錢算有點小貴(感覺上應該比壽司郎貴啲啲🤏，單件唔少要$20起跳，不過就全部都好大件厚肉👍🏻)，食物質素唔錯，所以都有回頭再食，之前我已經食過兩次，今次再黎就寫下食評喇😊由於閒日加上比較晏去，入座已經夜晚八點三左右，自己一個食，店員姐姐都好好比左張四人枱我坐，好舒服😌首先叫左花之戀，三文魚兩舊算係大大舊，亦都算係比較多油脂嘅位，唔係一般花之戀就用無油脂部位果種，隻沙律醬微酸，同爭鮮嘅甜沙律醬唔同，面頭係三文魚子而非蟹子，夾埋幾好食👍🏻呑拿魚蓉軍艦，呢個正常發揮，加埋洋蔥同蔥，食落味道更有層次。赤蝦呑拿魚蓉配三文魚子，蝦算幾大隻，三種食材加埋原來都幾夾，蝦嘅甜味、呑拿魚蓉嘅甘香、加上三文魚子嘅咸鮮，好味😋三文魚腩好厚切，每口都油脂滿滿好肥美，啖啖魚油香，魚味好濃😋中拖羅，呢件魚味夠，不過食落有少少根，同埋咬到中間有一條小魚骨，算係今餐比較美中不足嘅地方。油甘魚，一樣油脂分布平均，食落好重油香，可能因為無左平時深紅色嘅血位，食落比較無咁