走杯 (富時中心) (已搬遷) 新店位置

係旺角行街🛍shopping, 慣常地會係附近買個甜品返屋企, 旺角有好多選擇, 會揀走杯係因為比佢既食評吸引, 話佢地因為支持環保, 所以無帶自家杯既客人要比紙杯錢$2。雖然我都係一個唔會帶自家杯出街既人, 但我覺得有餐廳帶頭推動呢個理念好好, 所以就去支持下。佢地飲品D名改得好特別, 齋睇個名好難估到飲品入面有D咩, 經店員細心的介紹後點左金鑽奇異の夜歌同黑白の戀歌.紅烏龍。店員仲話逢星期五叫少糖可以減$2。金鑽奇異の夜歌 - 我聽得唔清楚店員既介紹, 以為係鳳梨加鮮奶, 原來係鳳梨加🥥椰奶, 然後再加入奇亞籽同芋圓。我本身唔太鍾意椰奶, 都覺得唔錯, 味道夾, 不過建議店家將甜度再降低少少會更好。黑白の戀歌.紅烏龍 - 黑芝麻奶蓋加奶茶。感覺清新又養生。推介。走杯既飲品令人感覺係用食物天然既味道制作而成, 無添加任何人工化學成份。