朗廚坊 (已結業)

琴日小弟生日，就同女朋友去左呢一間科學園海邊嘅餐廳食飯。見到佢嘅dinner set唔算貴，個人覺得幾抵食。咁就入去食。佢有兩個set，一個係肉眼扒，另外一個係燒雞。冇乜人，可以靜靜地傾下計🤫🤫餐包冇影到，細細個。烘到外脆內軟，加埋蒜香牛肉真係世界級。🤤🤤餐湯唔記得影，一個係龍蝦湯，一個係菠菜海鮮湯。菠菜湯偏淡，龍蝦湯又太咸。不過只係個人口味。都幾足料，好多海鮮同蝦，抵讚。♥️牛扒嘅餐仲有個芝士薯蓉焗蝦，幾好食。薯蓉落左好多牛油，好香，好好食。不過好快食濟😂😂😂牛扒，我就唔太識食。幾有咬口，夠味，都唔洗點落汁。外面有啲炭燒味，好香。😂😂幾好食。不過外面燒得好勁，入口有種好鞋好粗嘅感覺。燒雞就好嫩，皮又好脆。雞冇乜好講，食雞有雞味，我中意雞多過牛。心太軟入面爆哂啲朱古力出黎，好正。雪糕就一般，入口又係好粗，冇個種幼滑感覺，手作level都及唔上。