平昌 Premium (已結業)

突然好想食韓燒，朋友介紹左呢間，所以試下。形式是任食，我地選擇最平的大君御膳套餐。套餐包咗幾款前菜，泡菜嘅味道唔錯。欣賞佢哋嘅點菜紙係可以重用嘅，唔洗每次點食物都浪費咗一張紙，夠曬環保。套餐包咗海鮮雞肉牛肉豬肉等等 望落都好新鮮味道都唔錯。其實呢間餐廳都算唔錯，但係抽風真係好差！！！ 現場真係煙霧瀰漫，好似火燭咁樣， 好懷疑點解個煙霧感應器咁大煙都會唔響 ，仲搞到成身都好臭！！出到去好尷尬，個個行過都望住，尤其交通工具上面。真係扣曬分。而家出面好多韓燒餐廳抽風已經做得好好，但呢間真係好差，所以 我同朋友都不約而同覺得真係唔想再幫襯。