影片
更多
2021-08-14
2807 瀏覽
如果講油麻地有咩小店好食，數一數右手手指，好快就會數到「和順記」。其實好唔好食，根據Mcdull嘅「排隊定律」，就略知到一二，多人排隊通常唔衰得去邊，冇人排就肯定有古怪。晏晝嘅「和順記」多人排到一個點，除左40幾50蚊抵食之餘，碟飯足料大份，簡單嘅雞髀豬扒都整到幾好味，所以又先吸引到唔少街坊幫襯。而我今日試嘅係下午茶。T7麻辣豬扒撈丁$38下午茶平好多？又唔係喎，只能夠講係正常價錢。碟撈丁上枱嗰時，我都懷疑緊自己，究竟係一塊定係半塊豬扒黎，點解可以少得咁離譜。「一塊，半塊；半塊，一塊……」我都唔知諗左幾耐。諗到都唔記得試真啲個面，淨係知煮得幾爽，一丁定唔係一丁，都唔識分。半塊嘅豬扒同面底分開上。撈丁本身都有豉油同油墊底，豬扒又有辣油係底，多油左啲，不過你可以選擇唔撈晒嘅。豬扒都幾鬆幾入味。但認真丫，佢半塊豬扒仲連咁大舊骨，我都好珍而重之，d肉係個口度「妹」左好耐。麻辣黎講，算係麻味比較重，只係帶少少辣，拌面黎食幾好。「一分，半秒；半秒，一分……」嘩，咁快就食晒。其實唔知係佢啲麻辣醬開胃，定係我真係唔夠飽，我應該可以食多4-5個都easy執🌚🌝綜合評分：7/10，其實幾好食，可惜下午茶份
如果講油麻地有咩小店好食，數一數右手手指，好快就會數到「和順記」。
其實好唔好食，根據Mcdull嘅「排隊定律」，就略知到一二，多人排隊通常唔衰得去邊，冇人排就肯定有古怪。晏晝嘅「和順記」多人排到一個點，除左40幾50蚊抵食之餘，碟飯足料大份，簡單嘅雞髀豬扒都整到幾好味，所以又先吸引到唔少街坊幫襯。
而我今日試嘅係下午茶。T7麻辣豬扒撈丁$38
下午茶平好多？又唔係喎，只能夠講係正常價錢。
碟撈丁上枱嗰時，我都懷疑緊自己，究竟係一塊定係半塊豬扒黎，點解可以少得咁離譜。
「一塊，半塊；半塊，一塊……」
我都唔知諗左幾耐。諗到都唔記得試真啲個面，淨係知煮得幾爽，一丁定唔係一丁，都唔識分。
半塊嘅豬扒同面底分開上。撈丁本身都有豉油同油墊底，豬扒又有辣油係底，多油左啲，不過你可以選擇唔撈晒嘅。
豬扒都幾鬆幾入味。但認真丫，佢半塊豬扒仲連咁大舊骨，我都好珍而重之，d肉係個口度「妹」左好耐。
麻辣黎講，算係麻味比較重，只係帶少少辣，拌面黎食幾好。「一分，半秒；半秒，一分……」
嘩，咁快就食晒。其實唔知係佢啲麻辣醬開胃，定係我真係唔夠飽，我應該可以食多4-5個都easy執🌚🌝
綜合評分：7/10，其實幾好食，可惜下午茶份量少得離譜，生意難做我明，但唔好縮皮縮到咁過分啦腦細，-1分，6/10。
張貼
