龍門樓 - 志蓮素齋

營業中

休息中

拜完黃大仙，最好食返啲齋。見有時間，天氣又好，就去左鑽石山嘅南蓮園池食志蓮素齋。無book枱，walk in只可以坐二樓，無得望住水車食。坐樓上，環境就好普通，就好似普通茶樓咁。食物質素都還可以，仲要無收加一收費。🍝松露忌廉手擀麵啲汁左少少，當然就及唔上黑松露咁香架啦，但都幾香。啲麵就普通，應該現成買，唔係真係手擀。🍍菠蘿咕嚕麥纖酸酸甜甜，真係好似食緊咕嚕肉，好好有「o趙」口，本人好鍾意。🥟珍菌菜苗餃都ok，清清地，啲菜都新鮮。整體都ok，價錢就有dd貴，如果坐下面水車側邊都可以一試，無訂位坐樓上就真係麻麻。