島.聚 (已結業)

難得放半日假，就去坐Cafe打發吓時間。今晚下午茶時間，呢間Cafe都幾多選擇，又冇乜人，於是就入咗去啦。選擇咗落地玻璃嘅位置坐，環境都幾舒服。今次食咗牛油果雞扒漢堡同埋白桃latte ，等咗大約10分鐘就上菜，雞扒份量都幾大而且煎得啱啱好，同牛油果好夾。漢堡包略嫌煎得唔夠脆，如果唔係應該會仲好食。薯條份量都幾足，女仔食一定夠飽。白桃烏龍latte幾特別，不過白桃味唔夠出，飲落更加似烏龍latte多啲，如果白桃味重啲就更加好啦。