正記冰室 (已結業)

太和街市前幾年翻新完，多左好多熟食檔，但因為平時好少去太和，所以一直未試過呢間茶餐廳。一直都好中意食茶餐廳常餐既我，未入到去已經揀好左常餐了！星期日下午都唔算等左好耐，大約10分鐘左右就入得，餐廳裝修唔算太有特式，就係普通既茶餐廳有open kitchen咁，但勝在夠新夠乾淨。作為茶餐廳，食物款式唔少，基本上你諗到茶餐廳應該有既呢度都有。但當日等左好耐都未有侍應比menu，面台上果張menu紙既食物種類亦唔齊。我叫左一份常餐，沙嗲牛肉面，$49以價錢黎計，唔算係平，但味道的確唔差。原本$49既餐需加$2先可以轉做多士，依家係免費可轉。朋友叫左一份下午茶豬扒餐配沙律同可樂，$40（唔記得可樂加配幾錢）。兩個餐既味道都係唔錯既，夠香口同熱度，火腿奄列既蛋好滑，唔會過熟，火腿份量都好足。比較差既係，侍應做野比較甩漏，朋友既可樂得到佢已經食左大半個包都未到。 同埋以茶餐價錢黎計，呢度算偏貴，但份量同味道都算合理。