影片
更多
2022-01-12
1358 瀏覽
呢間門口勁多人排隊，不過原來佢有兩層，所以等咗一陣就可以上2樓坐低。揀咗酸辣湯底，配三個餸，司華力腸，芽菜，牛柏葉，辣度揀咗BB辣等咗15分鐘左右，嚟咗一條司華力腸，我估唔到有一整條，只要$13，好抵食！司華力腸炸得個皮好脆！但係再等多15分鐘，米線先至嚟，因為好肚餓，條司華力腸已經食晒。佢個湯底係清色透明嘅，唔係紅卜卜嗰啲酸辣米線。飲一啖湯底，酸酸地，辣度真係近乎BB辣同冇之間，呢個真係做到BB辣程度，啱晒唔太食辣既人。佢嘅酸味都幾重，再配上一啲酸菜，整體其實我覺得酸咗少少，如果酸度可以減少少更好。芽菜$6 ，個涼量幾多，幾抵食！牛柏葉就分量正常，味道正常發揮！加左$7 有一杯冬檸茶, 都幾大杯!好抵飲!整體來講呢間米線味道都唔錯，可以再幫襯!但係啲員工嘅安排有啲混亂，有一個侍應話冇位，叫我出去門口，另外一位侍應就話有位叫我入返去。而且嗰啲米線嚟到嗰陣，個侍應係好大力咁樣放碗米線上枱，搞到啲湯汁瀉咗出嚟，整濕咗我個朋友，呢個真係要改善下！同埋等既時間太奈了!
揀咗酸辣湯底，配三個餸，司華力腸，芽菜，牛柏葉，辣度揀咗BB辣
等咗15分鐘左右，嚟咗一條司華力腸，我估唔到有一整條，只要$13，好抵食！司華力腸炸得個皮好脆！
但係再等多15分鐘，米線先至嚟，因為好肚餓，條司華力腸已經食晒。
佢個湯底係清色透明嘅，唔係紅卜卜嗰啲酸辣米線。飲一啖湯底，酸酸地，辣度真係近乎BB辣同冇之間，呢個真係做到BB辣程度，啱晒唔太食辣既人。
佢嘅酸味都幾重，再配上一啲酸菜，整體其實我覺得酸咗少少，如果酸度可以減少少更好。
芽菜$6 ，個涼量幾多，幾抵食！
牛柏葉就分量正常，味道正常發揮！
加左$7 有一杯冬檸茶, 都幾大杯!好抵飲!
整體來講呢間米線味道都唔錯，可以再幫襯!
但係啲員工嘅安排有啲混亂，有一個侍應話冇位，叫我出去門口，另外一位侍應就話有位叫我入返去。而且嗰啲米線嚟到嗰陣，個侍應係好大力咁樣放碗米線上枱，搞到啲湯汁瀉咗出嚟，整濕咗我個朋友，呢個真係要改善下！同埋等既時間太奈了!
張貼
