好好上海小館 (已結業)

想搵D平平地既野食，見兩點幾唔太多人就入左黎。最近想食多D菜，於是就叫左素餃麵。落order既時候店員都好細心咁提醒我個麵唔係全素，因為係豬骨湯底。一落完單店員都俾左杯豆漿我，過多唔夠5分鐘就上埋個麵，速度好快。都幾抵食，$38蚊，4粒餃子。仲有一杯豆漿。比起外面買既盒裝豆漿，佢地既豆味重D，都幾好飲。而麵既質地都唔錯，唔會太淋。味道唔太濃，幾岩我口味。餃子入面就有蘿蔔、木耳、菜、粉絲，都有D咬口。不過皮太厚，感覺半個餃子都係皮。整體黎講，份量都OK夠飽，又抵食，味道都OK。不過呀姐洗碗，個大筒有時係大場搬出搬入，亦有幾滴水滴左落地，衛生唔算特別好。