海逸軒 (已結業)

同男友去食飯,揀左呢間試下,因為有張咭係美心集團旗下,2人去食有半價,所以去試下,食左:1) 花膠燉北菇湯- 湯好少會唔好飲既,菇好厚肉,ok架!2) 竹絲雞湯- 男友話都幾好飲...3) 焗響螺- 用左咖喱焗,冇左海螺本身既味道,我唔係太鍾意,但味道ok同埋好香!4) 炸蟹鉗- 男友話好好食,呢度食飯既好處係....可以單一隻咁叫,我就單叫左一隻海螺!5) 椰椰炒雞柳- 味道一般,冇咩驚喜,色香味都麻麻地...6) 黃埔蛋- 男友既至愛,呢度煮得好滑,不過份量少d...同埋冇咩裝飾d餸,好似食緊碟頭飯咁?! 碟又唔係靚,又冇裝飾,應該可以present得碟餸好d...色香味嘛,有香有味,色就欠奉!7) 楊枝金露- 男友話ok,但唔係最好食既楊枝金露...8) 蓮蓉焗布甸- 我既至愛,呢間整得唔錯,蓮蓉既比例幾好,唔會太搶個布甸既味,又唔太甜,仲超熱!9) 桂花龍鬚蛋散- 唔係好脆,但味道淡淡的,都ok!服務一流,食甜品時換晒全部餐具,換埋新既茶杯同茶,仲有用餐巾遮住有污漬既枱布,要讚呢! 唯一要扣分既係是晚既live performance,琴同二胡既組合有d怪,琴師有技術但無心去彈