魂 (已搬遷) 新店位置

男友一向鍾意食拉麵，（先利申：本小姐麻麻地鍾意食，嫌好多時都過咸），今日終於一試男友期待已久既魂！拉麵有「魂」、「火魂」、「太極」同「青龍」四款選擇:我點青龍男友點太極，湯底唔錯，濃得黎唔會死咸！配菜好足料，有玉子、蟹肉、魚子醬同埋叉燒，而「青」應該係指佢個波茶汁！配菜就不過不失啦，算係足料但無太大驚喜。好鍾意佢個麵身，彈牙得黎軟硬適中！好食過豚王個麵身好多！！！男友都幾滿意佢個太極，但我略嫌咸左dd！總括黎講係幾好既拉麵店，但等位時間長，而且等位地方好窄，喺正馬路旁，勁吸廢氣，諗到呢點會令我有D卻步