阿里山 (逸酒店) (已結業)

😷近排因為疫情關係，長期都要work from home。🥴成日留喺屋企口痕痕，唔想食啲薯片蝦條咁熱氣嘅嘢，😍今日經過紅磡見到呢間阿里山古早味蛋糕，又有啲心動，所以買咗兩個食。😋⭐️呢一間古早味蛋糕店係我暫時見過最多味道嘅一間！入去問吓店員有咩味道嘅時候吹左兩句水，🌟原來佢哋除咗請埋d有心做嘅年青人之外，仲會keep住研究一啲新嘅口味！😻⭐️原味冇得輸叫咗一個原味，佢嘅蛋味係我食過嘅🍳最濃嘅一間，你睇吓佢個蛋糕就知，顏色都比較黃。個蛋糕好鬆軟，而且水份都好夠，😝我擺咗喺雪櫃幾日之後食，都好好食係另一種感覺！做早餐一流！⭐️芝士肉鬆🧀佢嘅芝士同肉鬆都係喺蛋糕嘅頂部，所以食嘅時候，芝士嘅味道會集中左係上面。🤔如果佢啲芝士可以均勻咁樣放喺蛋糕入面就好了。鹹鹹甜甜嘅感覺冇得輸！😊好開心嘅係佢可以半舊咁買，變相我可以試多啲味。⭐️蜜糖柚子🍊呢一個我父母好鍾意，佢入面有一啲日本柚子皮，本身柚子皮都有食療嘅作用，再加上個蛋糕好清香啱晒老人家！👵🏻🧓🏻👴🏻