金銀泰國美食

營業中

休息中

金銀泰係喺廟街附近嘅一間泰式餐廳，因為朋友一直話呢間好好食，所以特登嚟試下。舖頭裝橫雖然比較普通，而且空間比較細，但係食物水準的確唔錯，係值得再次品嚐嘅餐廳。今次試咗好多唔同嘅食物，特別攞幾款嚟介紹。首先係佢嘅沙嗲串燒，有牛同雞，點樣配搭都冇問題，個人比較推薦食牛，牛肉口感紮實，配埋特製沙嗲醬，口感同味道都一流。跟住係佢嘅馬拉盞蝦乾炒通菜，鹹香味同辣到啱啱好，連我呢啲好少食菜嘅人都忍唔住係咁食，味道令人上癮。跟住叫咗個鹹魚炒飯，鹹香味都夠濃，飯炒得夠乾身，味道都唔錯。嘢飲主要推薦芒果沙冰，用咗真正嘅芒果蓉，口感一流亦都十分之涼爽，最啱喺天氣熱嘅時候飲番杯。