火五越式牛肉粉專門店 (華生樓) (已結業)

火車頭牛肉河粉($52)生牛肉、熟牛肉、牛丸、札肉••••••越菜館必點😎未見過咁抵食嘅火車頭！大碗，餸又比得大方🤩質素十分不錯👍🏻。濃湯湯頭鮮甜，飲多兩啖之後都無口渴。札肉帶黑椒好香，熟牛肉食到有兩款，一款類似牛肋條咁軟淋，一款就似厚身牛𦟌，要比啲力嚼，牛肉牛丸正常唔錯。炸軟殼蟹青木瓜沙律($68)••••••係原隻軟殼蟹啊😍熱辣辣和噴噴🦀，一上枱已經心心眼😋青木瓜絲好新鮮，自己酌量加上甜酸汁，就成為好開胃嘅前菜。手作札肉米紙卷($32)••••••另一refresh味蕾嘅清新前菜，米紙帶來獨特口感，包住檬粉、酸蘿蔔、生菜等豐富而零負擔嘅內餡，小編一啖一件😆。香茅美國黑毛豬扒油香飯($56)••••••比較少見越菜有米飯食，仲要係特式油香飯😳當然唔好錯過！主角油飯入口帶陣陣椰香味，香而不油膩，比起白飯又多種層次，最最驚喜係米粒極似珍珠米！每粒都圓碌碌漲卜卜！好有口感，肯肯定唔係普通白米。豬扒撈埋炸蒜葱油一齊食😆正！越式炸蝦春卷($28)••••••見到隔離幾枱都有點呢個，第一次見造型幼身長條形嘅蝦春卷🤣春卷脆皮注滿彈牙蝦膠，味道幾鮮甜，有三條嗌得過🤭。香茅豬頸肉($28)••••••