摩登士丹里

營業中

休息中

係屯門附近住左好耐，呢間就真係算做得好長。都成日會落黎買下野飲或食，速度快，芋圓係真心抵同正👍。 但雖然幫襯得耐，有樣嘢真係要彈下，唔知典解店員服務態度真係好參差🤧，呢間大部分女仔都唔係好好態度，特別係頭髮中長帶眼鏡嗰個😠講唔該又唔應，仲成日我未落曬單的時候打斷我講個價錢出嚟唔知係米想我落快啲定點，語氣仲要好差個種，其實可唔可以等我哋講完先同我哋講嗰價錢呢！相反男仔大部分服務態度都幾好，皮膚黑黑地嗰個男仔同埋好似近期新黎帶眼鏡嗰個男仔服務態度真係幾好幾抵讚，語氣幾nice幾溫柔😆👍。 總括嚟講，都會大力支持一直幫襯落去，但如果上面問題可以改善真係可以大大加分。