歐意餐廳 (已結業)

上水近年俾藥房佔領曬之後 一直都覺得冇乜好食 但今日畀我發現喺火車站隔離嘅彩園商場 有間食物唔錯嘅西餐廳 裝修以茶餐廳格局去做 不過燈光偏暗 比較有情調夜晚嚟到人唔太多 坐得都ok舒服有pizza港式扒餐等等 我哋就叫咗個鐵板雜扒餐同埋西冷牛扒餐 跟餐已經有紅湯白湯 我就加錢改咗海龍王酥皮湯 酥皮焗得夠脆 而且好香牛油味 加上海龍皇湯 有好多海鮮有魷魚 蜆肉 魚肉等等好足料 鐵板雜扒餐勁豐富 有雞扒 巨型豬扒 牛柳 腸仔等等 醃料夠入味 牛排完全唔韌 仲可以冧上黑椒汁或者燒汁 鐵板夠熱 咋咋聲有風味 飯底係炒底 有誠意鐵板西冷牛扒餐 牛扒夠厚身 有接近一吋厚 保留到肉汁之餘 唔會過熟 同樣咋咋聲 有童年味道