影片
更多
2005-05-02
33 瀏覽
去完長洲再去銅鑼灣行左一陣都已經好累番到屋企都唔想煮飯食於是o係附近開餐記得呢度有搖搖椅就決定黎試下叫左個台式肉燥豆腐飯,豬頸肉撈麵,鹵水三拼同炸芋丸跟餐要左蜂蜜綠茶同蜂蜜蘆薈綠茶台式肉燥豆腐飯～肉燥同我期望既唔同,我以為係d 粒粒肉碎乾身o個種,上檯見到時有d失望,但食落味道又唔錯喎,肥肉亦唔多;而豆腐原來係略炸既玉子豆腐,好滑,點埋個汁好好食,份量亦好多,分左好多俾人食之後,到最後都係食剩左d飯豬頸肉撈麵～豬頸肉有好多片,煮得好入味又好淋唔un, 又唔會覺得肥膩;而用黎撈麵既汁加入左甜酸汁,唔會同肉燥飯一樣味道,成碟麵份量好足,撈晒d上海麵食酸酸地甜甜地好好食鹵水三拼～有2隻雞翼,雞腎同半隻雞蛋,好入味,雞肉仍然好滑,但略嫌隻雞蛋無整熱番,唔係就更好喇炸芋丸～同仙果園比較,呢度既味道就無咁好喇,但仍然算唔錯,炸得唔油係比仙果園出色既地方,而且一碟6粒先至10蚊,好抵食蜂蜜蘆薈綠茶～味道o岩o岩好,唔會太甜,加上有粒粒蘆薈增加咬口,但如果可以再多少少蘆薈更加好呢度全日唔收加一,食左咁多野都只係76蚊,十分之抵食台灣食物雖然味道係濃,但都唔見口渴,比起新開既紅高梁更值得幫襯!侍應無前一
都已經好累
番到屋企都唔想煮飯食
於是o係附近開餐
記得呢度有搖搖椅
就決定黎試下
叫左個台式肉燥豆腐飯,豬頸肉撈麵,鹵水三拼同炸芋丸
跟餐要左蜂蜜綠茶同蜂蜜蘆薈綠茶
台式肉燥豆腐飯～肉燥同我期望既唔同,我以為係d 粒粒肉碎乾身o個種,上檯見到時有d失望,但食落味道又唔錯喎,肥肉亦唔多;而豆腐原來係略炸既玉子豆腐,好滑,點埋個汁好好食,份量亦好多,分左好多俾人食之後,到最後都係食剩左d飯
豬頸肉撈麵～豬頸肉有好多片,煮得好入味又好淋唔un, 又唔會覺得肥膩;而用黎撈麵既汁加入左甜酸汁,唔會同肉燥飯一樣味道,成碟麵份量好足,撈晒d上海麵食酸酸地甜甜地好好食
鹵水三拼～有2隻雞翼,雞腎同半隻雞蛋,好入味,雞肉仍然好滑,但略嫌隻雞蛋無整熱番,唔係就更好喇
炸芋丸～同仙果園比較,呢度既味道就無咁好喇,但仍然算唔錯,炸得唔油係比仙果園出色既地方,而且一碟6粒先至10蚊,好抵食
蜂蜜蘆薈綠茶～味道o岩o岩好,唔會太甜,加上有粒粒蘆薈增加咬口,但如果可以再多少少蘆薈更加好
呢度全日唔收加一,食左咁多野都只係76蚊,十分之抵食
台灣食物雖然味道係濃,但都唔見口渴,比起新開既紅高梁更值得幫襯!
侍應無前一位食家所講既問題喎,個個都反應好快,又有禮貌,食物又上得快,一定有下次!
張貼
