沙嗲王 (金馬倫道) (已結業)

約左朋友來尖沙嘴食晚飯，行過樓下睇餐牌，見到價錢比較平，而且食物種類又多，就入左去試。我地三個人叫左蟹粉豆腐泡飯，咖喱海鮮pizza，脆蝦棒，同西蘭花炒菇。見到menu上寫個蟹粉豆腐泡飯係人氣菜式所以就叫來試下，來到個時個石鍋仲係滾，熱辣辣。食落去豆腐好滑，配埋鹹鹹地嘅蟹粉，配搭得幾好，撈飯食好o岩，雖然個人覺得偏鹹左d，但依然係好味。本來以為個海鮮咖喱pizza係中等size，但來到先發現係好迷你。佢嘅海鮮配料有蝦，魷魚同帶子，每樣各兩至三件。芝士撈埋咖喱汁，感覺幾新鮮，味道都好，個pizza皮亦唔硬，好軟身。至於脆蝦棒一碟有八條，每條都啖啖蝦肉，配埋沙律醬好好食。碟西蘭花炒菇係最唔好食嘅，西蘭花同菇都無咩味，好似比滾水煮熟完就算咁。四樣野加埋每人一杯野飲大概要＄90一個人，性價比幾高，食物質素大致上都幾好。沙爹王算係抵食之選，好o岩一班朋友聚會。