影片
更多
2018-12-20
78 瀏覽
成日食肉食得多，間中都想食下齋菜，清下腸胃。今日嚟咗喺旺角洗衣街嘅「素食一家」，地方簡潔，播放住輕柔音樂，坐得幾舒服。原來呢度會將每個星期三營業額嘅10%做慈善用途，食嘢之餘又可以做善事， good idea，一舉兩得！不過最緊要嘅梗係啲齋菜要靚啦。是日正宗老火湯$32有啲無花果、粟米、紅蘿蔔，飲落好清潤，舒喉。紅燒野生竹笙素翅$42味道真係做得好似真嘅紅燒翅，有啲筍絲、竹笙、素魚翅，口感一流。椰汁香芋雞煲$78一上枱已經聞到好香椰汁味，正！ 芋頭好粉，超好食。 而嗰啲雞件真係做到好似真係雞咁，望落又好似有啲雞皮，好像真呀。籠仔荷葉蒸陳村粉$78有淡淡嘅荷葉清香，一般陳村粉都係配上排骨，呢度就用咗菜脯，但係味道都好好。菠蘿咕嚕肉$78酸甜適中，啲咕嚕肉炸過，外皮有脆脆口感，整體都做得唔錯。最後好想食埋甜品，但啲齋菜份量好大，太抵食，已經超飽，唯有下次留返個肚仔食甜品。要一讚嘅係味道好，份量足，食完唔會覺得口渴。 值得推薦~
今日嚟咗喺旺角洗衣街嘅「素食一家」，地方簡潔，播放住輕柔音樂，坐得幾舒服。
原來呢度會將每個星期三營業額嘅10%做慈善用途，食嘢之餘又可以做善事， good idea，一舉兩得！
不過最緊要嘅梗係啲齋菜要靚啦。
是日正宗老火湯$32
有啲無花果、粟米、紅蘿蔔，飲落好清潤，舒喉。
紅燒野生竹笙素翅$42
味道真係做得好似真嘅紅燒翅，有啲筍絲、竹笙、素魚翅，口感一流。
椰汁香芋雞煲$78
一上枱已經聞到好香椰汁味，正！ 芋頭好粉，超好食。 而嗰啲雞件真係做到好似真係雞咁，望落又好似有啲雞皮，好像真呀。
籠仔荷葉蒸陳村粉$78
有淡淡嘅荷葉清香，一般陳村粉都係配上排骨，呢度就用咗菜脯，但係味道都好好。
菠蘿咕嚕肉$78
酸甜適中，啲咕嚕肉炸過，外皮有脆脆口感，整體都做得唔錯。
最後好想食埋甜品，但啲齋菜份量好大，太抵食，已經超飽，唯有下次留返個肚仔食甜品。
要一讚嘅係味道好，份量足，食完唔會覺得口渴。 值得推薦~
張貼
