博多拉麵別天神 (已結業)

已經好耐冇去過別天神拉麵。一年前去嘅時候驚為天人，成日都要排隊。今日咁啱行過冇人所以入去試一試。同之前一樣，我叫咗佢哋嘅別天神套餐，爆一碗豚骨拉麵同一個沙律。拉麵湯底奶白色，好香濃嘅豬骨味。上次喺博多見到日本人會喺拉麵上面落酸薑，我又試一試，啲回憶即刻返晒嚟😊 湯底嘅油膩感俾酸薑減輕左，酸中帶少少微甜，碗麵即刻變到好開胃。小龍蝦沙律亦都好好味，加埋紫菜一齊食就冇得頂 😋可能嗰日去落雨，冇乜客。鋪面有啲污糟，而且牆身有跡。建議店長改善改善。別天神套餐 （豚骨拉麵+小龍蝦蟹籽沙律）$110。