韓雅林 (已易手) 新餐廳

都有幾年都到過韓雅林，難得可以long lunch, 於是就去食午餐。午餐款式非常多，飯、湯、麵、燒烤，任君選擇。我揀咗辣海鮮豆腐湯，有四碟前菜同紅棗茶。前菜分別係泡菜、茄子、炒西芹同醬蓮藕。泡菜味道非常之好，微辣帶酸，唔會只得個辣味。茄子軟滑又入味，醬蓮藕不錯，連我唔好蓮藕嘅人都食晒。辣海鮮豆腐湯熱辣辣，個湯有蝦、魷魚、蜆，仲有豆腐、洋蔥、蛋等配料。湯底惹味，唔會太辣，撈飯一流，飽肚又暖身。最後以紅棗茶作結，好吃的一餐！