影片
更多
2020-06-27
47 瀏覽
初嚐呢間便當舖頭做lunch 由於返工地點同佢呢間舖頭都有啲距離 所以就用咗外賣app嘅送餐服務 不過就比起自取係舖頭買貴咗幾多下大家主要分別嗌咗鹽酥雞同雞絲滷肉便當根據餐牌描述 外賣便當另外有當天三樣材料所以應該就係半隻蛋(滷水？) 少少白菜仔 同一啲茄子 仲有幾嚿豆腐試咗一嚿鹽酥雞 炸得都幾香口 食落又仲幾有肉味 叫做幾好 茄子都幾出色 因為有好多醬汁 用嚟撈飯即時好夾 至於蛋 菜就無咩特別但就對個雞絲唔係太鍾意 因為就咁齋食直頭無乜味 仲有種唔識形容嘅味 唔太好食 要靠撈埋其他嘢嘅汁先食到 不過啲滷肉就ok 都幾原汁原味雖然自己就唔係太鍾意食肥豬肉外賣的話仲有包紙包飲品送 而果日送嘅係蘋果綠茶/烏龍茶額外加錢就可以轉佢啲三樣特飲 嗌咗杯綠茶 感覺係茉莉花綠茶加糖漿 同係PHD薄餅飲過嘅嘢差唔多總括嚟講 味道尚可 份量唔多 價錢係～$5x-6x 可以接受 再貴啲就其實唔多抵食不過鹽酥雞可以再戰過下口癮
大家主要分別嗌咗鹽酥雞同雞絲滷肉便當
根據餐牌描述 外賣便當另外有當天三樣材料
所以應該就係半隻蛋(滷水？) 少少白菜仔 同一啲茄子 仲有幾嚿豆腐
試咗一嚿鹽酥雞 炸得都幾香口 食落又仲幾有肉味 叫做幾好
茄子都幾出色 因為有好多醬汁 用嚟撈飯即時好夾 至於蛋 菜就無咩特別
但就對個雞絲唔係太鍾意 因為就咁齋食直頭無乜味 仲有種唔識形容嘅味 唔太好食 要靠撈埋其他嘢嘅汁先食到 不過啲滷肉就ok 都幾原汁原味
雖然自己就唔係太鍾意食肥豬肉
外賣的話仲有包紙包飲品送 而果日送嘅係蘋果綠茶/烏龍茶
額外加錢就可以轉佢啲三樣特飲 嗌咗杯綠茶 感覺係茉莉花綠茶加糖漿 同係PHD薄餅飲過嘅嘢差唔多
總括嚟講 味道尚可 份量唔多 價錢係～$5x-6x 可以接受 再貴啲就其實唔多抵食
不過鹽酥雞可以再戰過下口癮
張貼
