意八餐廳 (已結業)

未食過意八之前，真係好少機會食到意大利野，意大利d燴飯聽落好高級，但其實用d材料，都唔係話特別貴，所以其實都可以用一個相宜嘅價錢去食到意大利野嫁！今次叫左三文魚冷麵同黑椒牛排，三文魚冷麵用胡麻醬做汁，入口都幾清爽。黑椒牛排就比較一般，因為比較韌，黑椒汁嘅黑椒味都唔太明顯，有d化學味。另外，叫左茄汁意大利麵，有唔同嘅海鮮，有帆立貝魷魚大蝦，同茄汁味都幾夾。另外叫左白汁煮蜆，有d酒味幾好食，茄子就一般，太肥太滯，好多油。我地重叫左沙律，麻麻地好食，因為又係胡麻汁，加上沙律菜嘅種類唔多，都係普通嘅生菜洋蔥為主，無乜太大驚喜。雖然好似講左好多唔好咁，不過整體味道其實唔錯，至少比一般連鎖餐廳好，價值都唔會差太遠，所以都推介下！