海南少爺 (已結業)

以今次約四個朋友一齊去海南少爺，可以叫多啲款式試多幾味。我哋今次點咗黑鼓油炒蘿蔔糕、自製黑松露豆腐、海鮮釀油條、星加坡蝦麵、馬來西亞炒麵、新加坡少貴勺及一隻海南雞，另外每人一客清雞湯。首先侍應攞五個壺同杯來，仲以為係茶，然後佢放低時話係清雞湯，再望吓隻杯裡面原來幾粒杞子，將湯倒杯中好熱，飲下去是清清淡淡的雞味，但並沒有油。跟著點嘅餸陸續上枱，黑鼓油炒蘿蔔糕味到好特別先係甜，然後辣，最後少少苦，但味道又恰度好處。自製黑松露豆腐入口好濃郁松露味，問之下原來除咗面有黑松露片外，還滴咗白松露油，而炸過嘅弄豆腐都好滑。海鮮釀油條就好脆、好鮮味，好香口好好食。星加坡蝦麵同上次一樣個好味到湯都飲哂，蝦好新鮮，不過排骨好軟腍，因本身不喜歡食肉，所以我唔係特別欣賞，但係哩個蝦麵係必食之選。馬來西亞炒麵、新加坡少貴勺都同樣用料新鮮，好味但無咩特別。至於海南雞皮滑爽脆肉質嫩滑，中間有層啫喱有雞味，而我就更欣賞碗雞有香茅嘅香，有濃濃嘅雞味，而且唔會油。總之哩餐好滿足！